අනික මම දන්න බීමෙදි අපි මේ වගේ බයිට් පාවිච්චි කරන්නේ බොහොම අඩුවෙන්. ඔලිව් ගෙඩියක්, රට කජු, කජු, ක්‍රැකර්ස්, හැම් හා චීස් වගේම බ්‍රෙඩ් ටාට් වර්ග තමයි හුගක් භාවිතා වෙන්නේ.
කාලයක් තිස්සේ ඉඳන්ම මගේ බීම එක්ක සෙට් වෙන බයිට් එක වෙන්නේ බැටළු චීස් හෝ හැම් තමයි. වැඩිපුරම මම බොන්නෙ වයින් නිසා රසවල් ගැලපෙනවාත් වැඩි. (ඒත් මට තේරෙනවා ලංකාවේ බෝතලේ ගන්න අමාරුවෙන් සල්ලි හොයාගන්න අපි මේව කන්න ගියොත් ජීවිතෙටම එක දවසක් තමයි බොන්න වෙන්නේ. බඩු මිලේ හැටියට.
අනික මම ලංකාවට ආවම බොන්න සෙට් වෙන්නේ නෑ වැඩියම. සෙට් උනත් අපේ අක්කා හා මගේ නෑයො සමග නිසා එයාල යන එන තැන් වලින් තමයි මාත් මම කාල බීල තියෙන්නේ. ඒ හැම වෙලාවෙම ඉස්සෝ, පොකිරිස්සෝ,කකුළුවෝ නම් වරදින්නේ නෑ. ඒත් මේව මට ගැලපෙන විදියට හදලා දෙන එකත් ටිකක් කරදරයක් ඒ තැන්වල වැඩ කරන අයට.
අපේ අයියා (එරික් බෝයිගේ තාත්තා) බොන්න ගියාම හදන බයිට් එකක් තමයි තෙප්පිලි කරවල (වැව් මාළු වේලලා) තෙල්දාල හදන එක. ( මම ඉතින් බොහොම අමාරුවෙන් ඒකෙන් කෑලි කිහිපයක් කාගන්නවා හෙට මැරුනත් අද රසනේ කියල හිතාගෙන.)
එයා කරන විදිය තමයි මේ ලියන්නේ.
කරවල පොඩි කෑලි වලට කපලා හෝදලා වතුර අයින් කරලා ගන්නවා. ඉට පස්සේ පෑන් එකකට ඔයිල් දාලා ඒක රත් කරලා කපාගත් අමු මිරිස් හා කරවල දානවා. ඒව තද ගින්දරේ තියෙනව ප්‍රයි වෙන්න. ඒකට (එයා අපි කවුරුත් නැත්නම් චොප් කරපු මිරිස් දානවා. )ඒ අතර ලූනු කොල ( onion leaves ) කපලා කරවල එක හොදටම ප්‍රයි උනාම ඒකට දානවා. (ලුනු නම් දාන්නේ නෑ)තක්කාලි ගෙඩි කිහිපයකුත් දානවා. මේක වියලි විදියට තමයි තියෙන්න ඕනෙ. අයියා ඒක හදපුවම හරිම රසකට තියෙනවා. ( මම නම් කරවල උයන්නේ නෑ ඒත් උයලා දුන්නම මම තමයි වැඩියම කන්නේ )
බීම කෙසේ වෙතත් මේකට නම් පුදුම ආසාවක් තියෙන්නේ. මතක විදියට මේක හදන්න අයියා ඉගෙන ගත්තේ ඉස්සර අපි තලවිල පල්ලි ගියාම එහේ තිබුනු බාර් එකකින්. එතන මේ විදිහට තෙප්පිලි බයිටි එක හදල තිබුණා කෑමට. මම අදටත් ලංකාවෙදි ඔය වගේ කෑම දැකල තියෙන්නෙත් ඒ පැත්තේ තමයි.
මම හිතන් ඉන්නේ ලංකාවට ආවම වෙරළු ගෙඩියක් අඹ කෑල්ලක් වගේ දෙයක් අච්චාරු වගේ හදාගෙන කන්න තමයි. එහෙම නැත්නම් ඔහේ ආවම, තියෙන තරම් තෙල් කාල මාව මැරිලා යයි දවස් දෙක තුනකින්
මෙන්න නියම කෑමක්. අවුරුදු ගාණකට කලින් මෙන්න මේ වගේ වැව් මාළු කරවල බයිට් එක මම කාල තියෙනව. රස නම් අද වගේ මතකයි. නිකන්ම වැව් මාළු බැදල කනව වගේ නෙමෙයි කරවල. පුදුම රහක් තියෙන්නෙ. හැබැයි මට හිතෙන්නෙ මේ වගේ බයිට් එකක් එක්ක රට බීම නෙමෙයි අපේ අරක්කු තමයි හරියන්නෙ. මොකෝ මරණෙ කියන්නෙ? බොරුද ඇත්තද?
සහතික ඇත්ත. මේකට නම් හරියන්නේ ගල් ම තමා. මන් මේ හිතෙන් ගල් බිබී මේක කෑවා.
මන් නම් කවදාවත් බයිට් එකට කරවලා කාලා නැහැ. එකම එක පාරක් ලූල්ලු නම් තෙල් දාලා කෑවා. ඒත් කරවල නෙමෙයි
හප්පට සිරි.. මේ සෙප්පිල් සෙප්පිලි කියලා කියන්නේ ෂුවර් එකට තේප්පිලි කරවල වලට වෙන්ඩැති.. මම අද දවල්ටත් තේප්පිලි මාළු කෑවේ.. මේ රජරට ඉතින් තේප්පිලි ඇර වෙන මොනවා කන්නද ? :පී මම නම් ආසයි තෙප්පිලි දුමේ වේලලා හදන කරවල කන්න.. මාර රහක් තියෙන්නේ... පොළොන්නරුව හරියේ තියෙනවා මේ දවස් වල.. මතක් වෙද්දීත් කටට කෙල උණනවා වතුර වගේ..
එල බ්ලොග් එක. සෙට් වෙලා තියෙන කට්ටියත් එල.
මමනම් ඉතින් ඔය බීමටනම් නැහැ. බීම ජාති ගැන අඩුම තරමේ මලීට තියන තරම් දැනුමක්වත් මට නැහැ. නමුත් ඉතින් මොකෙක් හරි වචනයක් දැම්මොත් හරි කතා කරන්නවත් දැනුමක් තියෙන්න ඕනෙනෙ.
එල දිගටම වැඩේ කරගෙන යන්න කස්ටිය
@ උදාර, මම හිතන්නේ වෙන්න ඕනේ. මොකද මම දන්නේ නෑ හරියටම කොහොම කියනවද කියලා. මම මේක වැව් මාලු කියලා දැනගත්තෙත් ලඟදි.
අනේ මම ඔහේ නෑනේ ඕවා කන්න. පවු මම
@ ම,
අයියෝ. කාලා බලන්නකෝ. මට නම් මේවා තරම් මාළු සෙට් වෙන්නේ නෑ.
@ උදාර- පිට රටින්, රජ රට වැව් අමුණු වලට තෙප්පිලි අදුන්වලා දුන්නේ නැත්නම් ඉතිං හබක් තමා ඔහේලාට.
අප්පා මටත් කටට කෙළ උනනවා, මේක දැක්කාම....
සෙප්පිලිද තෙප්පිලිද කරවල කොළඹ පැත්තේ ගන්න තැනක් තියනවද? මමත් ජිවීතේට බයිට් එකට කරවල නම් කල නෑ.මෙ සටහන දැක්කම නම් ඉතින් ඊලග සෙට් වීමේදී අනිවා කරවල බයිට් ඕනේ...........!
@ Naliyaa,
ඔව්. මම හිතන්නේ ගමේ පොලේ තියෙනවා. අපිට නම් මේව එවන්නේ මීගමුව වෙන්නප්පුව වගේ පැතිවලින්. දන්න තරමින් වැව් තියෙන පැතිවල තියෙනවා.
මම කැකිරවේ වැඩ කරන කාලෙනම් වැව් මාලු බයිට් එක කල තියනවා.කරවල නම් කාලා නෑ.වැව් මාලු බයිට් එකත් මරු,හැබැයි හැමොටම හදන්න බෑ.හරියට හැදුවේ නැත්තම් තිත්ත රහක් එනවා.
මම වැව් මාලු කාලා තියනවා උනාට ඉතිං වැව් මාළු කරවල නම් කාලා තියනවා කියලා වැඩි මතකයක් නම් නැහැ.. අනිවා දවසක අනුරාධපුරේ ගිහිං උදාරගේ ගෙදර යනවා ඔය කරවලයි අළුත් හාල් බතුයි පොල් සම්බොලයි කාලා එන්න.. රජරට පුතේ දෙනවාදෝ.....!!!
maleeta math join venavaaa.. nala maalu kala emu.